«Тоттенҳэм» клуби ҳужумчиси Сон Ҳён Мин Жанубий Кореяда ҳарбий хизматни ўтамоқда.
ESPN кореялик футболчининг ҳарбий кийимдаги суратини эълон қилди. Унда Соннинг юзи ниқоб билан тўсилган ва футболчи автомат ушлаб олган.
27 ёшли ҳужумчи Чежу оролидаги денгиз қўшинлари ўқув-машғулот лагерида ҳарбий тайёргарликдан ўтмоқда. Таъкидланишича, Сон тайёргарлик вақтида кўздан ёш оқизувчи газдан фойдаланиш амалиёти билан танишади, узоқ масофага юришда қатнашади ва қуролдан ўқ отишни ўрганади.
Эслатиб ўтамиз, Жанубий Корея қонунларига кўра, эркаклар 28 ёшга қадар 21 ойлик ҳарбий хизматни ўташи керак. 2018 йилда Сон Жанубий Корея терма жамоаси билан Осиё ўйинларида ғолибликни қўлга киритган ва бунинг эвазига ҳарбий хизматдан озод этилганди. Бироқ футболчи қисқартирилган ҳарбий тайёргалик жараёнидан ўтиши керак.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)