Porsche 911 мотори кўринишидаги қаҳва тайёрловчи машина тақдим этилди. У иккита Lada Granta’дан қимматроқ туради

Жанубий Африкадаги автомобиль деталлари кўринишидаги қаҳва тайёрловчи машиналарни яратишга ихтисослашган Super Veloce компанияси ўзининг янги моделини тақдим этди. У Porsche 911 двигатели руҳида яратилган бўлиб, нархи 10 минг евродан қимматроққа баҳоланган, бу пулга иккита Lada Granta автомобилини харид қилиш мумкин, деб хабар беради Motor.

Компанияга Formula-1 тарихи ва пойга автомобилларининг моторларига ишқибоз бўлган Паоло Мастрожузеппе томонидан асос солинган. Компания дизайнерлари қаҳва машиналарини яратишда айнан улардан илҳомланади, бироқ бу сафар унинг асосини Porsche 911 двигатели ташкил этди.

Асос қилиб 933 индексли оилага мансуб агрегат олинган — бу ҳаво орқали совитилувчи сўнгги авлод автомобили. Қаҳва тайёрловчи машиналар линейкаси Espresso Veloce RS Black Edition номини олган бўлиб, у ташқи кўриниши билан олти цилиндрли двигателнинг худди ўзига ўхшайди.

Шунингдек, компания материалларни танлашда ҳам оригиналидаги каби бўлишига аҳамият қаратган: алюминий, титан ва зангламайдиган пўлат. Клапан қопқоқлари имитацияси эса углепластикдан тайёрланган.

Оғирлиги 21,5 килограмм бўлган мазкур қаҳва машинаси 10 200 евродан сотилмоқда. Таъкидлаш керакки, Германияда 993 модификацияли Porsche 911 машинаси 40 минг евро туради.