Президент Шавкат Мирзиёев 28 апрель, сешанба куни, Бухоро вилоятига ташрифи давомида кучли шамол оқибатида жиддий зарар кўрган Олот тумани марказида фаоллар билан учрашди. Учрашувда давлат раҳбари ҳодиса оқибатида вафот этган бухоролик фуқаро ҳақида ҳам тўхталиб ўтди.
«Худонинг ўзи асрагани — агар бу воқеа кундузи бўлганида эди, кўп одамни йўқотиб қўярдик. Одамлар саросимага тушиб қоларди. Кечаси одамлар ичкарида бўлгани учун одам йўқотмадик», — деди Президент.
«Фақат фуқаро Ашуров — жойи жаннатдан бўлсин — у ҳам электр билан боғлиқ бахтсиз ҳодиса сабаб вафот этган; фарзанди тирик. Унга ҳам барча чора-тадбирларимизни кўрамиз», — дея қўшимча қилди Шавкат Мирзиёев.
Эслатиб ўтамиз, Бухорога 27 апрель оқшомида ёпирилган кучли шамол оқибатида камида 41 киши тан жароҳати олган, Бухоро шаҳрида яшовчи бир киши вафот этган. Маълумотларга кўра, унинг устига дастлаб дарахт ағдарилган, сўнг у электр симига ўралашиб қолиб, воқеа жойида ҳалок бўлган.
Изоҳ (0)