Уй шароитида тери учун қаҳвали скраб тайёрлаймиз

Карантин вақти уй шароитида юз ва тери учун скраб тайёрлаш мумкинлигини биласизми? Йўқ бўлса, қуйидаги рецепт сиз учун.

Қаҳвали скраб – қон айланишини яхшилайди, целлюлитга қарши яхши восита ҳисобланади. Шунингдек, терини яхши тозалаб, соғлом ва тиниқ кўрсатади. Ушбу скрабни бир ҳафтада 2 ёки 3 марта ишлатиш керак.

Керакли маҳсулотлар:

• Қаҳва — 1 чой қошиқ
• Какос ёғи — 1 чой қошиқ (ёки уйингизда бор исталган ёғдан фойдаланинг)
• Ванилин — 1 чой қошиқ

1. Ҳамма маҳсулотни идишга солиб, санчқи билан аралаштиринг.
2. Тайёр аралашмани банка ёки бўшаган крем идишига солинг.
3. Скрабни тери учун ишлатишингиз мумкин.
4. Терига скрабни суртиб айланма ҳаракатлар билан ишқаланг.
5. Орадан 3—5 дақиқа ўтиб илиқ сувда ювиб ташланг.
6. Юзингизни ювгач терига​ крем суртинг.