Озиқ-овқат хавфсизлигини таъминламаса, дунёда 30 яқин мамлакат коронавирус пандемияси туфайли очарчиликка дуч келиши мумкин. Бу ҳақда БМТнинг Жаҳон озиқ-овқат дастури (WFP) ижрочи директори Дэвид Бизли маълум қилди.
WFP маълумотларига кўра, 2020 йил якунидан бошлаб дунёда 265 миллион киши озиқ-овқат танқислигига дуч келиши мумкин. Бу рақам ўтган йилга нисбатан икки баравар кўп бўлиб, коронавирус туфайли 130 миллион одам очлик ёқасида қолганди.
Дастурнинг етакчи иқтисодчиси Ариф Ҳуссейннинг сўзларига кўра, ўзини ўзи изоляция қилиш режими ва иқтисодий таназзул шундоқ ҳам очарчилик ҳукм сураётган мамлакатлар аҳолисига қаттиқ таъсир қилди.
Мавзуга доир: Владикавказда изоляция режими сабаб қийин аҳволда қолган аҳоли оммавий норозилик ўтказди
Дэвид Бизли коронавирус пандемиясини Иккинчи жаҳон урушидан кейинги энг ёмон гуманитар инқироз, деб атади. Унинг айтишича, WFP ёрдамисиз уч ой давомида ҳар куни 300 минг киши очликдан вафот этади. Бу рақамларга COVID-19 пандемияси қурбонлари сони қўшилмаганини таъкидлаган.
Дастур сценарийларининг бирига кўра, очлик дунёнинг 30 мамлакатида тарқалади. Уларнинг ўнтасида ҳозирнинг ўзидаёқ миллионга яқин киши очликдан ўлиш ёқасида турибди.
Апрель ойининг бошларида БМТ коронавирус туфайли араб давлатларида 8,3 миллион киши қашшоқликка дуч келишини, озиқ-овқат билан етарли таъминланмаганлар сони 2 миллионга кўпайишини маълум қилганди. Ҳозирги пайтдаёқ араб давлатларида 101 миллиондан ортиқ киши қашшоқлик ёқасида, 52 миллион киши эса тўйиб овқатланмайди.
Эслатиб ўтамиз, Ўзбекистонда ҳозирги глобал инқироз ва коронавирус пандемияси шароитида аҳоли бандлиги ва даромадини таъминлаш, иқтисодий барқарорликни сақлаш, аҳолининг озиқ-овқатга бўлган талабини тўлиқ таъминлаш мақсадида Президентнинг янги қарор лойиҳаси эълон қилинган.
Изоҳ (0)