Ҳозирга қадар Ҳомийлик хайрияларини мувофиқлаштириш марказларига 1197 қисқа рақами орқали 174 минг 764 та мурожаат келиб тушган. Бу ҳақда 21 апрель куни АОКА штабида Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева иштирокида бўлиб ўтган брифингда маълум қилинди.
Боймирзаева брифинг давомида вазирлик ҳамда унинг ҳудудий бошқармалари қошида ташкил этилган Ҳомийлик хайрияларини мувофиқлаштириш марказлари амалга ошираётган ишларга ҳам тўхталиб ўтди.
«Кўпчиликка маълумки, Ҳомийлик хайрияларини мувофиқлаштириш марказлари жорий йилнинг 1 апрель санасидан ўз фаолиятини бошлади. Ҳозирга қадар марказларга 1197 қисқа рақами орқали 174 минг 764 та мурожаат келиб тушди. Шундан 159 минг 113 таси озиқ-овқат, 10 минг 631 таси дори-дармон маҳсулотлари олиш, қолгани эса бошқа масалалар юзасидан қилинган мурожаатдир.
20 апрель ҳолатига кўра, ушбу марказлар ёрдамида республикадаги 199 минг 222 та оилага ҳомий ташкилот ва фуқаролар томонидан тақдим қилинган 22 миллиард 986 миллион сўмлик ижтимоий ёрдам маҳсулотлари етказиб берилди.
Маҳсулотларни аҳоли хонадонига етказиш учун 500 дан ортиқ автомашина жалб қилинган. Бундан ташқари 1 минг 600 нафардан зиёд кўнгиллилар ва МФЙ раислари ҳам фаоллик кўрсатмоқда. Улар, албатта, санитар-гигиена талабларига қатъий риоя қилмоқда», — деди Саодат Боймирзаева.
Мавзуга доир:
- Шавкат Мирзиёев «Саховат ва кўмак» умумхалқ ҳаракатини йўлга қўйиш ташаббусини илгари сурди
- Карантиндаги хайрия шов-шувлари: Етказилган озиқ-овқатнинг сифати ва миқдоридан нолиганлар ношукурликда айбланди
- «Моддий ёрдамни ҳар бир оиланинг пластик картасига ташлаб бериш керак» — Ўзбекистон молия вазири
- «Агарда пандемия бўлмаганида биз нақд пулларни ҳар бир хонадонга олиб борган бўлардик» — Жамшид Қўчқоров
Изоҳ (0)