АОКАда бўлиб ўтган брифингда Мактабгача таълим вазирлиги ахборот хизмати раҳбари Дилафрўз Икромова карантин вақтида мактабгача таълим ташкилотларида соатбай ишлаётган ходимларга масофавий ишга ўтказилгунга қадар белгиланган тариф сеткаси (лавозим оклади)дан келиб чиққан ҳолда иш ҳақи тўланишини маълум қилди.
Дилафрўз Икромованинг қўшимча қилишича, агар ходим коронавирус пандемияси даврида мактабгача таълим ташкилотлари таълим тарбия жараёни тўхталишидан олдин меҳнат таътилини олган бўлса ёки коронавирус пандемияси даврида меҳнат таътилини олишни хоҳламаса, иш берувчи ходимнинг хоҳишига кўра, ходимни масофавий иш усули, мослашувчан иш графиги ва уйда ишлашга вақтинча ўтказиши мумкин.
Мавзуга доир: Ўзбекистонда карантинда боғча ва бошланғич синф болаларининг ота-онасига меҳнат таътили бериш тартиби тасдиқланди
Эслатиб ўтамиз, Ўзбекистонда коронавирус билан касалланиш ҳолатлари аниқланган сабабли барча таълим муассасалари карантин учун ёпилган. Аввалроқ Бандлик ва меҳнат муносабатлари вазирлиги боғча болалари ва бошланғич синф ўқувчилари ота-оналарига таътил берилиши тартибларини баён қилганди.
Изоҳ (0)