Танишинг: кирларни дазмоллайдиган, ўтин ёрадиган ва машина ювадиган баҳайбат айиқлар Тед ва Эд

Буюк Британиядаги Стокпорт шаҳрида яшовчи фуқаро пандемия даврида ўзи ва қўшниларининг кўнглини кўтаришнинг ажойиб усулини ўйлаб топди, деб ёзади Esquire.

У ҳар куни иккита баҳайбат ўйинчоқ айиқлар Тед ва Эд учун турли хил машғулотларни ўйлаб топади. Ушбу гигантлар уйдаги ҳамма оғир ишларни бажаради. Масалан, ўтин ёради, машинани ювади, газонни тартибга келтиради.

Айиқлар бўш вақтларини ҳам ўзига хос тарзда ўтказади. Тед ва Эд биргаликда монополия ўйнайди, балет кийимида гимнастика билан шуғулланади ёки тоза ҳавода чой ичиб ўтиради.

Айиқларнинг эгаси Bored Panda нашри билан суҳбатда исмини ошкор қилишни истамаган, бунинг ўрнига айиқларнинг ўзига сўз берган. Айиқларнинг «сўзларига» кўра, ушбу ғоя туфайли улар кўплаб мухлисларга эга бўлди.

«Биз турли ёшдаги кўплаб дўстлар орттирдик. Улардан мунтазам равишда расмларимиз ёпиштирилган хатлар олмоқдамиз. Тед суратларни ёқтиради, у суратлардан хотиралар деворини яратмоқда. Уларга кечқурун қараб ётамиз. Хатларга жавоб ҳам ёзамиз», — дейилади айиқ Эднинг номидан.

Хабарда айтилишича, айиқлар янгиликларни кузатиб боради.