Италия терма жамоаси собиқ ҳимоячиси Марко Матерацци 2006 йилги Жаҳон Чемпионатидан сўнг ватандошлари томонидан танқидга учраганини ёдга олди.
Францияга қарши финал баҳсида Матерацци биринчи бўлимда ҳисобни тенглаштиради. Қўшимча бўлимларда эса рақиб етакчиси Зинедин Зиданни провакация қилади ва франциялик футболчи унга боши билан зарба беради. Шундан сўнг, Зидан қизил карточка олиб майдонни тарк этади. Учрашув 1:1 ҳисобида якун топади, пенальтилар сериясида Италия ғалабани қўлга киритади.
«Французлар Зиданни ҳимоя қилди, мен эса ўз ватандошларим танқидлари остида қолдим, уларни ҳақиқий италиялик деб ҳисобламайман. Мен ватанпарварман ва ҳар доим Италия байроғини ҳимоя қиламан. Ҳаммасидан ҳам уларнинг танқиди оғир ботди. Бу одамлар финалдаги голим учун босган қадамимни ўпишлари керак эди», — дейди Матерацци.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)