Менемен турк ошхонасининг машҳур нонушталаридан бири ҳисобланади. Омлетнинг бу тури нонушталар қироли деб аталади.

Фото: Getty Images

Менемен тайёрлаш учун қуйидаги маҳсулотлар керак бўлади:

  • Помидор – 400 гр
  • Пиёз – 100 гр
  • Булғори қалампири – 100 гр
  • Тухум – 3 та
  • Зайтун ёғи – 2 ош қошиқ
  • Томат пастаси – 0,5-1 ош қошиқ
  • Кўкатлар
  • Туз

Тайёрлаш жараёни:

  • Барча сабзавотларни тозалаб, тўртбурчак шаклда тўғранг.
  • Ўртача оловда қизиган товага зайтун мойини солинг.
  • Пиёзни товага солиб, тахминан, 5-7 дақиқа давомида тилларанг бўлгунча қовуринг.
  • Пиёздан кейин булғори қалампирини қўшиб, юмшоқ бўлгунича қовуринг.
  • Қовурилган пиёз ва булғори қалампирга тўғралган помидорни қўшинг.
  • Сабзавотларга томат пастаси қўшиб аралаштиринг ва това қопқоғини 8-10 дақиқага ёпинг.
  • Тухумни алоҳида идишга чақиб, санчқи билан атала ҳолига келтиринг.
  • Товадаги сабзавотлар устига тухумни қўшиб, 5-10 сония аралаштиринг ва 1-2 дақиқа қовуринг.
  • Кейин оловни ўчириб това қопқоғини 1-2 дақиқага ёпиб қўйинг.

Эслатма: Оловни ўчиришдан аввал тухум қотмаган ва бироз суюқ ҳолатда бўлиши муҳим.

Иссиқ нон ва барра кўкатлар қўшиб, тайёр нонуштани дастурхонга тортинг. Ёқимли иштаҳа!