Халқ таълими вазири Шерзод Шерматов карантин вақтида интернет орқали қонуний пул топиш мумкинлигини айтди. Бу ҳақда у ўзининг Facebook’даги саҳифасида ёзиб қолдирди.
Унинг айтишича, ҳозирги вақтда кўпчилик уйда эканини инобатга олиб, уйидан туриб интернет орқали пул топишни ўрганиш жуда муҳим. Кўпчиликка бу жуда қийиндек кўриниши мумкин.
Мавзуга доир: «Ўзбекистонда карантин май ойида ҳам давом этиши эҳтимоли анча катта» — Жамшид Қўчқоров
Улар нафақат Тошкентда, балки республикамизнинг турли ҳудудларида яшаб, ҳозирги кунда бемалол уйидан туриб, чет элга ўз хизматларини кўрсатмоқдалар. Яъни бу қўшимча даромад билан бирга Ўзбекистонга валюта олиб келишга ҳам хизмат қилади. Мана, уларни баъзиларининг шу вақтгача ақлий меҳнати орқали қанча маблағ ишлаганини профилларидан кўчирмаларда кўришингиз мумкин», — деб ёзади Шерзод Шерматов.
Иш йўналишлари таҳлил қилинса, яхши даромад топадиганлар АКТ соҳаси мутахассислари эканлиги кўринади. Лекин, шу билан бирга, дизайнерлар, таржимонлар, иқтисодий таҳлилчилар каби қатор мутахассислар Ўзбекистонда яшаб, интернет орқали ўз хизматларини экспорт қилаётганлигини кузатиш мумкин.
«Бу платформа, албатта, инглиз тилидан ташқари бирон соҳада юқори малакани ҳам талаб қилади, лекин ундан бошқа камроқ малака талаб қиладиган (шунингдек, камроқ даромад топадиган) платформалар ҳам анчагина, масалан www.mturk.com, www.clickworker.com ва бошқалар орқали юқори малака талаб қилмайдиган содда ишларни бажариб, қўшимча даромад олиш мумкин», — дейди вазир.
Шерзод Шерматов шу сабабли бу каби тизимларда ишлаб тажрибага эга бўлган инсонлар томонидан онлайн дарс сифатида видеоролик тайёрлаш режалаштирилгани, яхши видеодарс чиқса, уни «онлайн-мактаб» каналларидаги дарсдан ташқари эфир орқали кенг тарқатилишини билдирган.
«Бунинг натижасида уйда ўтирган, интернетга уланган ёшларимизнинг қайсидир қисми вақтини бекор кетказмай, жуда бўлмаса ойига 300-400 доллар қўшимча даромад топишни бошласа жуда яхши иш бўлар эди. Бугунги селекторда давлатимиз раҳбари томонидан нафақат карантин чораларини кўриш, балки аҳоли даромадларининг кескин пасайиб кетишини олдини олиш зарурлиги ҳақида ҳам алоҳида вазифалар белгилаб берилди. Ушбу йўналишда қандай имкониятлар бўлса, ҳаммасини сафарбар этишимиз, яхши тажрибалар бўлса уларни ўртоқлашиб, бошқаларга ўрнак сифатида кенгроқ ёйишимиз керак«, — дейди вазир ва ёшларни уйда вақтини бекор ўтказмай дарсларини қилиб, чет тиллари ва АКТни ўрганишга чақирди.
Шунингдек, upwork орқали ҳақиқатда пул топганлар шундай тажрибасини видеодарс сифатида ёритишга қизиқиш билдирганлар, қуйидаги ҳавола орқали эълонга топшириши мумкинлигини ва ушбу видеодарс учун пул тўланишини билдирган.
Изоҳ (0)