Ўзбекистон банклари 14 апрель куни долларни 9750—9840 сўмдан сотиб олиб, 9850 сотишни бошлади. Апрель ойи бошида банкларда доллар 9500—9600 атрофида олди-сотди қилинаётган эди, деб ёзади Spot.
Америка валютаси курси биржа савдоларида ҳам ўсиб бормоқда. Ўзбекистон валюта биржасида 13 апрелдаги савдолар якунига кўра доллар қиймати 9752 сўмга етган. Ой бошида кўрсаткич 9600 сўм атрофида эди.
Ўзбекистон Марказий банки томонидан 13 апрель куни эълон қилинган валюталарнинг янги расмий курсларига кўра, АҚШ доллари 100 сўмдан кўпроққа ўсди. Сўм АҚШ валютасига нисбатан 2019 йил августидан бери бундай қадрсизланмаган эди.
Марказий банк доллар курсининг ўсишига коронавирус сабаб экспорт тушумлари ва пул ўтказмалари ҳажми камайгани, асосий савдо ҳамкорлари (Россия ва Қозоғистон)да кузатилган девальвация ва бошқаларни сабаб қилиб кўрсатган эди.
Айни вақтда Марказий банк сўм алмашув курсининг қадрсизланиши эҳтимолини паст даражада баҳоламоқда.
Изоҳ (0)