Хитойда бир сутка ичида коронавирусга чалиниш бўйича 46 та янги ҳолат қайд этилди
Хитойда ўтган бир сутка ичида коронавирус билан касалланиш бўйича 46 та янги ҳолат қайд этилди. Бу ҳақда Хитой Соғлиқни сақлаш миллий комиссияси хабар берди.
Комиссиянинг таъкидлашича, 42 та ҳолатда вирус четдан юқтирилган. Бундан ташқари, уч киши вафот этган ва 70 киши даволанишга муваффақ бўлган. Бутун мамлакат бўйлаб коронавирус оқибатида жами вафот этганлар сони 3339 кишига етди.
Хитой ҳукуматининг маълумотларига кўра, 34 кишида инфекция белгиларсиз ўтган, хусусан, четдан кириб келган етти беморда ҳам. Хитойда пандемия бошланганидан буён 81 953 кишида коронавирус аниқланган.
Бир кун аввал Хитойда бир сутка ичида коронавирусга чалиниш бўйича 42 та янги ҳолат қайд этилган эди.
Мавзуга доир: Тошкентга Хитой компаниялари тақдим этган навбатдаги инсонпарварлик ёрдами олиб келинди
