Қўқон шаҳрида 300 минг сўм эвазига хонадонида қўшмачилик билан шуғулланган аёл жиноят устида қўлга олинди. Бу ҳақда «Дарё»га вилоят ИИБ ахборот хизмати маълум қилмоқда.
Жорий йил 6 апрель куни Қўқон шаҳар ИИО ФМБ ходимлари томонидан ўтказилган тезкор тадбир давомида З.М. исмли аёл ўз хонадонида Т.Ш. ва Т.Н.га жинсий алоқа қилиш учун 300 минг сўм эвазига шароит яратиб берган вақтида ушланган.
Мазкур ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 131-моддаси (Фоҳишахона сақлаш ёки қўшмачилик қилиш) билан жиноят иши қўзғатилиб, суд томонидан З.М.га нисбатан қамоққа олиш тарзидаги эҳтиёт чораси қўлланилган.
Ҳозирда тергов ҳаракатлари олиб борилмоқда.
Эслатиб ўтамиз, аввалроқ Қўқонда 70 минг сўм эвазига фоҳишахона сақлаган аёл жиноят устида қўлга олингани ҳақида хабар берилганди.
Изоҳ (0)