Бугун,

  • USD 11095.31
  • RUB 173.84
  • EUR 10772.44

Ўзбекистон Олий Мажлиси Сенати раиси Танзила Норбоева карантин даврида ўзбекистонлик меҳнат мигрантларининг патенти масаласида ёрдам кўрсатишни сўраб, Россия Федерал Мажлиси Федерация Кенгаши раиси Валентина Матвиенкога мактуб йўллади. Бу ҳақда Сенат томонидан маълум қилинди.

Фото: «Дарё»

Фото: «Дарё»

Сенат томонидан хабар қилинишича, ижтимоий тармоқлар орқали Олий Мажлис Сенатига Россияда ҳозирги мураккаб шароитда ишсиз, маблағсиз қолган ўзбекистонликлардан карантин тугагунча ва меҳнат бозори тўлиқ тиклангунига қадар патентни қайта расмийлаштириш, бекор қилиш, жисмоний шахслар даромадидан олинадиган солиқнинг тўлаш муддатини кечиктириш имкониятини кўриб чиқиш масаласида ёрдам сўраб мурожаатлар келиб тушмоқда.

Ушбу масала юзасидан Ўзбекистон Ташқи ишлар вазирлиги томонидан 2020 йилнинг 5 апрель куни Россия Ташқи ишлар вазирлигига нота юборилган.

Шунингдек, 8 апрель куни Ўзбекистон Олий Мажлиси Сенати раиси Танзила Норбоева Россия Федерал Мажлиси Федерация Кенгаши раиси Валентина Матвиенкога мактуб йўллаган.

Мактубда қардош Россия халқига эпидемияни тез орада енгиб ўтишига чин дилдан тилак билдириб, глобал коронавирус пандемияси шароитида икки мамлакат ўртасидаги ҳамкорликни янада мустаҳкамлаш, шу жумладан, парламентлараро мулоқотни қўллаб-қувватлаш алоҳида аҳамият касб этиши қайд этилган.

Қайд этилишича, Ўзбекистон Россия ҳукумати томонидан қабул қилинган, ўзбекистонликларнинг Россияда бўлиб туриши учун рухсат этилган муддатни узайтириш ҳамда мамлакат ташқарисига чиқиш заруратисиз меҳнат фаолиятини давом эттириш учун янги патентлар олиш шартларини енгиллаштириш бўйича қарорини қўллаб-қувватлаган.

Шу билан бирга, Россияда бўлиб турган Ўзбекистон фуқароларининг юқорида қайд этилган муаммоларига ҳам эътибор қаратилиб, уларни тезкорлик билан ҳал қилишда амалий ёрдам кўрсатиш сўралган.

Сенат Ўзбекистон парламенти ва ҳукуматининг мамлакат фуқаролари манфаатлари йўлида қилган ушбу мурожаати Россия давлатида ўзининг ижобий жавобини топишига умид билдирмоқда.

Аввалроқ Сенат раиси Танзила Норбоева, сенаторлар, шунингдек, Сенат девони ходимлари коронавирусга тест топширгани ҳақида хабар берилган эди.

Изоҳ
Асосий янгиликлар
Маслаҳатлар
Рақамли детокс: гаджетлар таъсирини камайтиришга ёрдам берадиган 7 та маслаҳат
Маҳаллий
Жамшид Қўчқоров ШҲТ таркибида янги қўмита тузишни таклиф этди
Маҳаллий
Тошкентда 11 ёшли қизга нисбатан уятсиз, бузуқ ҳаракатлар қилган 54 ёшли эркак қамоққа олинди