Бугун,

  • USD 11095.31
  • RUB 173.84
  • EUR 10772.44

Лондон Олий суди Қозоғистоннинг биринчи президенти Нурсултон Назарбоевнинг қариндошларига тегишли мол-мулкларни хатлаш тўғрисидаги ордерни ноқонуний деб топди. Бу ҳақда BBC хабар берди.

Фото: BBC

Фото: BBC

Нурсултон Назарбоевнинг қизи — Қозоғистон Сенати спикери Дариға Назарбоева, шунингдек, унинг тўнғич ўғли Нурали Алиев ҳамда турмуш ўртоғи Аидага тегишли учта кошонани хатлаш тўғрисидаги ордер Жиноятчиликка қарши курашиш бўйича миллий агентлик томонидан «Келиб чиқиши номаълум даромадлар тўғрисида»ги қонун асосида берилган. Ушбу қонунга кўра, уй эгалари Британия ҳукуматига ўзларининг даромад манбалари қаердан келганлигини тушунтириб бериши лозим. Агар улар бу ишни қилмаса, мулклар мусодара қилиниб, аукцион орқали сотиб юборилади.

Назарбоевнинг қариндошларига боғлиқ вазиятда қиймати 100 миллион долларга тенг Лондондаги учта кошона ҳақида гап кетган. Жиноятчиликка қарши курашиш бўйича миллий агентлик маълумотларига кўра, кўчмас мулклар Дариға Назарбоеванинг собиқ турмуш ўртоғи Роҳат Алиевнинг жиноий йўллар билан топилган даромадлари эвазига харид қилинган.

Бироқ Олий Суд Жиноятчиликка қарши курашиш бўйича миллий агентликда Роҳат Алиевнинг ушбу кўчмас мулкларни сотиб олишга алоқадор эканлигини исботловчи далиллар йўқ деб топди.

Ўзларининг мутлоқ айбсизлигини таъкидлаётган Назарбоевнинг қизи ва набираси суд қароридан қониқишларини билдирди. Жиноятчиликка қарши курашиш бўйича миллий агентлик апелляция беришга тайёрланмоқда.

Изоҳ
Асосий янгиликлар
Дунё
Никол Пашинян ва Илҳом Алиев 31 май куни Кишинёвда учрашади
Дунё
Ўғлининг қабри ёнида ётган она, Тошкентда бузилаётган бинолар, метрога яширинган украиналиклар — 30 май суратлари 
Маҳаллий
Озодбек Назарбеков “Коба санъат мажмуаси” МЧЖнинг таъсисчиси экани тасдиқланди