Карантиндаги фотосуратчининг видеоалоқа орқали олган суратлари 

Буюк Британиялик фотосуратчи Тим Данк карантин шароитида фотосессиялар ўтказишнинг ғаройиб йўлини топди.

Тим мижозлари билан FaceTime иловаси орқали видеоалоқага чиқади ва смартфон камераси орқали уларни масофадан туриб суратга олади. Бу оддий фотосессиядан айтарли фарқ қилмаса ҳам, қўшимча ускуна ҳамда ёритиш воситаларисиз хонадон шароитига мослашишни тақозо этади. Бироқ айнан ностандарт ечимлар фотосуратчига ҳар сафар ўзгача ракурсдан кадрлар тайёрлашда асқатмоқда.

Яна бир қизиқ томони, Тимнинг фотосессиясида қатнашиш истагида бўлганлар шахсий сайти орқали навбатга ёзилиши мумкин. Бунинг учун яхши смартфон ва сифатли интернет бўлса кифоя.