Тошкентда ички ишлар органлари ходимларининг карантинда олиб бораётган ишларини масхара қилган блогер маъмурий қамоққа олинди, деб хабар бермоқда пойтхат ИИББ матбуот хизмати.
Қайд этилишича, у ўзининг Instagram’даги саҳифасига санитария-эпидемиология талабларини менсимаганлиги намойиш этилган, шунингдек, беодоб сўзларни ишлатиб, ички ишлар органлари ходимларининг карантин кунларида олиб бораётган ишларини масхара қилгани акс этган бир нечта фото ва видеолар жойлаган.
Олиб борилган текширув натижасида мазкур аккаунтни бошқарадиган шахс 21 ёшли муқаддам судланган Г.А. эканлиги аниқланган.
Унга нисбатан Маъмурий жавобгарлик тўғрисидаги кодекснинг 183-моддаси (майда безорилик)га мувофиқ, суд томонидан 7 суткалик маъмурий жазо қўлланилган.
Аввалроқ Тошкентда профилактика инспекторининг погонини юлиб, хизмат кийимини йиртиб ташлаган аёлга жиноий иш қўзғатилгани, карантин вақтида «эплаб» кўчада ниқобсиз юрган қиз ва 2 йигит 15 суткага қамалгани хабар берилган эди.
Изоҳ (0)