«Ливерпуль» ҳимоячиси Виржил ван Дейк Англия Премьер Лигасининг беш нафар футболчисидан иборат терма жамоа тузди.
Бунда ягона шарт: «Ливерпуль» футболчиларидан фойдаланиш мумкин эмас.
Дарвозабон: Эдерсон («Манчестер Сити»)
«Ўйлашимча, у моҳир дарвозабон. Жорий мавсум кўплаб посбонларнинг ёрқин ўйинига гувоҳ бўлдик, аммо Эдерсон улар ичида биринчи бўлди. Бироқ у Алиссондан ортда қолади».
Ҳимоячи: Эмерик Ляпорт («Манчестер Сити»)
«У «Манчестер Сити»га нақадар муҳим эканини кўрсатиб қўйди. Ажойиб ҳимоячи. У жуда ва жуда яхши ҳимоячи, шу сабаб уни танладим».
Ярим ҳимоячи: Кевин де Брюйне («Манчестер Сити»)
«Бу ерда фақат «Сити» футболчилар бўлиб кетди! Бироқ де Брюйне ҳақида кўп гапиришнинг ҳожати йўқ. Аввало, Кевин — яхши йигит, шу билан бирга ёрқин фтуболчи. У фантастик ўйинчи».
Ярим ҳимоячи: Сон Ҳён Мин («Тоттенҳэм»)
«У тезкор, кучли, майдонга ҳимоячилар ҳаётини жаҳаннамга айлантириш учун тушади. Ўнг ва чап оёқда бирдек зарба йўллаши — шунчаки ақл бовар қилмас. Шундай экан, менимча, уни танлайман».
Ҳужумчи: Пьер-Эмерик Обамеянг («Арсенал»)
«Жорий мавсум намойиш этган ўйини сабаб уни танладим. Ляказетт ва Обамеянг — фантастик ҳужум дуэти. Шунингдек, Агуэрони ҳам қўйиш мумкин эди, бироқ Обамеянг рақамлар ва келганидан буён кўрсатаётган ўйини сабаб бу ролга муносиб», — дея танловларини изоҳлади ван Дейк.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)