Ўзбекистон Президенти Шавкат Мирзиёевнинг топшириғига мувофиқ, коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссиясининг қарори билан бир қатор чекловлар ўрнатилди.
20 апрелгача вилоятлараро, Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан бериладиган махсус рухсатнома (стикер)лар асосида автотранспорт воситалари ҳаракатланишига рухсат этилган. Давлат хизматлари марказларига кўплаб фуқаролар ташрифи кузатилгани сабабли мазкур рухсатнома учун аризалар фақат электрон шаклда қабул қилинишни бошлаган.
Кейинроқ рухсатнома (стикер) олишга ариза юборишда id.gov.uz орқали авторизациядан ўтиш талаб этилмаслиги маълум қилинди. Ариза юбориш учун Ягона интерактив давлат хизматлари порталининг ушбу саҳифасига ўтиб, сўралган маълумотларни жўнатиш керак. Хизмат Топ хизматлар қаторига қўшилган ва Ягона интерактив давлат хизматлари порталининг бош саҳифасига чиқарилган.
Аввал Адлия вазирлиги ҳузуридаги Давлат хизматлари агентлиги 1 апрелгача шахсий автомобиллардан рухсатномасиз фойдаланиш мумкинлигини рад этгани, Ички ишлар вазирлиги рухсатнома стикери бўлмаган автомашиналар ҳайдовчиларига қандай жазо қўлланишини маълум қилгани хабар қилинганди.
31 март куни тунда эса Республика махсус комиссияси қарорига кўра, транспорт ҳаракати учун махсус рухсатнома беришнинг янги тартиби эълон қилинди.
«Дарё» мухбири мазкур янгиликлардан сўнг турар жой мажмуалари, ҳовлиларда тўлиб турган, фойдаланилмаётган шахсий автомобилларни кадрларга муҳрлади.
Тошкент шаҳрининг Мирзо Улуғбек туманидаги аҳоли яшаш жойларидаги шахсий автомобиллар
Тошкент шаҳрининг Миробод туманидаги аҳоли яшаш жойларидаги шахсий машиналар
Тошкент шаҳрининг Чилонзор туманидаги аҳоли яшаш жойларидаги автомобиллар
Изоҳ (0)