Карантинда ўз-ўзини изоляция қилиб ўтирган Москва шаҳри аҳолиси мэрия сайти орқали ҳар бир уйдан чиқишига QR-кодлар олишига тўғри келади. Бу ҳақда «Коммерсантъ» мэриянинг хизмат тақдимотларига асосланиб хабар қилган. Шунингдек, ижтимоий тармоқларда ҳам ушбу тақдимотларнинг скриншотлари ҳам тарқалган.
QR-код ишга, поликлиникага, дала ҳовлига бориш, озиқ-овқат сотиб олиш мақсадида дўконга чиқиш, уй ҳайвони билан ўз уйидан 100 метр масофада сайр қилиш, шунингдек, ахлат ташлаш учун кўчада юриш учун олинади.
QR-кодни олиш учун мэрнинг сайтида рўйхатдан ўтиш, у ерда яшаш манзилини аниқ кўрсатиш, шунингдек, ўз суратини юклаш талаб этилади. Шундан кейин шахсий кабинетда уйдан чиқиш юзасидан сўров қолдириш имконияти пайдо бўлади. QR-код фақат битта операцияни амалга ошириш учун берилади.
Ижтимоий тармоқларда тарқалган тақдимотнинг скриншотларида ҳужжатларнинг якуний кўриниши акс этган бўлиши мумкин.
Мавзуга доир:
Изоҳ (0)