Фарғона шаҳрида 30 март, душанба куни, юз берган йўл-транспорт ҳодисаси оқибатида бир киши ҳалок бўлди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 1996 йилда туғилган М.М. Cobalt автомобилида катта тезликда ҳаракатланиб, йўлнинг белгиланмган жойидан кесиб ўтаётган пиёда Б.Х.ни уриб юборган.
Оғир жароҳат олган эркак шифохонага олиб бориш чоғида вафот этган.
Эслатиб ўтамиз, карантин сабабли 30 март соат 06:00 дан бошлаб Тошкент, Нукус шаҳарлари ва вилоятлар марказларида шахсий автомобилларнинг махсус рухсатномасиз ҳаракатланиши чекланган.
Аввалроқ Фарғона туманида Lacetti ва Nexia иштирокида содир бўлган ЙТҲда бир киши, Термизда юз берган Lacetti ва Matiz тўқнашувида эса икки киши ҳалок бўлган эди.
Изоҳ (0)