«Дарё»ни Telegram’да ўқинг! Join!
14:12, 31.03.2020 38650

Андижонда карантинга олинган фуқароларнинг хонадонларига махсус белгилар ёпиштириб чиқилди

Андижонда тиббий кузатувга олинган 1735 нафар фуқаро хонадонига махсус белги ёпиштирилиб, уларнинг карантинда эканлигига ишора қилинмоқда, дея хабар беради «Дарё» мухбири Умиджон Мамарасулов.

Фото: Андижон вилоят ИИБ

Андижон ИИБ ахборот хизматининг аниқлик киритишича, мазкур тадбир вилоят аҳолисининг ҳаёти ва соғлигини муҳофаза қилиш мақсадида ўтказилмоқда.

Фото: Андижон вилоят ИИБ

«Карантин даврида намунали жамоат тартибини сақлаш, фуқаролар тинчлиги ва осойишталигини ҳамда хавфсизлигини таъминлаш, соғлом турмуш тарзини татбиқ қилиш мақсадида ҳуқуқни муҳофаза қилувчи органлар ҳам фаол иштирок этмоқда», — дейилади ИИБ ахборотида.

Андижон ИИБ ҳуқуқбузарликлар профилактикаси бошқармаси ташаббуси билан фуқаролар хонадонига ёпиштирилаётган эълонлар «Карантин қоидаларига амал қилинг!» деган ёзув билан бошланиб, тозаликка риоя қилиш, карантин қоидаларини бузиш оқибатлари ҳақида сўз боради.

Эслатиб ўтамиз, Соғлиқни сақлаш вазирлиги коронавирус инфекцияси билан касалланганлар сони 158 нафарга етганини хабар қилди.

Изоҳ қолдиришдан аввал, қоидалар билан танишиб олинг: http://dy.uz/sBU7c

Бошқа янгиликлар