Ўзбекистон Республикасининг Хитой Халқ Республикасидаги элчихонаси, Ўзбекистон Мудофаа саноати давлат қўмитаси ва Мудофаа вазирлиги Хитой Халқ Республикаси Мудофаа саноати компаниялари билан Ўзбекистон мудофаа саноати комплекси тизимни ривожлантириш йўналишида икки томонлама самарали ҳамкорликни амалга ошириб келмоқда. Айни кунларда Хитой давлати коронавирус инфекциясининг тарқалиши ва у келтириб чиқарган COVID-19 касаллигини енгиб, ушбу касалликнинг олдини олишда бошқа мамлакатларга амалий ёрдам кўрсатиб келмоқда.
Хитойнинг «Норинко», «Виэк Точмаш», «Хайтера», «Поли Техноложи» ва бошқа мудофаа саноати компаниялари бир неча йиллардан буён Ўзбекистон Республикаси Мудофаа саноати комплексини ривожлантириш, Қуролли кучларни замонавий қурол-аслаҳа, ҳарбий ва махсус техникалар билан таъминлаш ва уларнинг модернизациясига ўз ҳиссаларини қўшиб келмоқда.
Ўзбекистон Мудофаа саноати давлат қўмитаси ахборот хизматининг «Дарё»га маълум қилишича, мазкур ишларнинг узвий давоми сифатида Хитойнинг юқоридаги мудофаа саноати компаниялари томонидан коронавирус инфекциясининг тарқалишига, ушбу касалликка қарши курашиш бўйича биргаликдаги ҳаракатларни кучайтириш ҳамда Ўзбекистон халқининг саъй-ҳаракатларини қўллаб-қувватлаш мақсадида 28 март, шанба куни, Ўзбекистонга қуйидаги тиббий буюмлар шаклида инсонпарварлик ёрдамини юборди:
- бир марталик стерил тиббий қўлқоплар;
- ҳимоя кўзойнаклари;
- юз учун фильтрловчи ниқоблар;
- тана ҳароратини ўлчовчи термометрлар.
Олиб келинган юклар аэропорт ҳудудида Мудофаа саноати қўмитаси ва Мудофаа вазирлиги маъсул шахслари томонидан қабул қилиб олинди. Хитойдан келтирилган тиббиёт буюмлари 2020 йил 28 март кунидан республика ҳудуди бўйлаб карантин режимини таъминлашга жалб қилинган ҳарбий хизматчилар, ички ишлар, тиббиёт ходимлари ва бошқа муҳтож шахсларга тарқатилган.
Изоҳ (0)