Касаллик туфайли кўршапалакка ўхшаб қолган мушук Instagram юлдузига айланди

Кам учрайдиган касалликдан азият чекувчи Люси лақабли мушук Instagram’да машҳур бўлиб кетди, деб ёзади Metro.

Мушук эгаси унга алоҳида аккаунт очди. Instagram фойдаланувчилари дастлаб унинг кўршапалакни эслатувчи ташқи қиёфасидан қўрқиб кетди. Кейинроқ Люсининг бошидан ўтказганларини билгач, унга бўлган меҳрлари ошди.

Сфинкс наслига мансуб тўқ кул ранг Люси гидроцефалияга чалинган, бу касаллик орқа мия суюқлигининг ҳаддан зиёд кўпайиши билан кечади.

Касаллик туфайли мушукнинг мияси шакли ўзгарган, кўзлари эса косасидан ташқарига чиқиб қолган. Шунинг учун ҳам у ташқи кўриниши билан кўршапалакни эслатади.

Мушукнинг эгаси 44 ёшли исроиллик аёл Зилла Бергаминининг айтишича, мушук кичкина пайтида унинг қон босими юқори бўлган. Муолажалардан сўнг унинг қон босими тушган.

Ҳозирда мушукнинг Instagram’да 25 минг фолловери бор.

«Айримлар Люсининг ташқи кўринишига қараб нега уни боқишимга ҳайрон бўлади. Бундай хунук жониворлар уйда боқилишга арзимайди, деб ўйлайди», — дейди Бергамини.

Бергаминининг айтишича, ногиронлиги бўлган жониворлар ҳам бошқа соғлом жониворлар каби меҳр беришга муносиб.

https://www.instagram.com/p/B84Hqd7nJ2n/