23 март, душанба куни, соат 04:10 атрофида Жанубий Корея пойтахти Сеулдан парвоз қилган самолёт «Наманган» халқаро аэропортига келиб қўнди. Бу ҳақда «Дарё» мухбири Азизбек Абдувалиев хабар бермоқда.
Самолёт бортида бўлган 196 нафар ўзбекистонлик дезинфекциялашдан ўтказилгандан сўнг тиббий текширувларга жалб этилди. Кейин эса улар учун махсус ажратилган автобусларда «Чортоқ» санаторийсига йўл олди.
Бу ерда 145 нафар эркак ва 51 нафар аёл санаторийнинг барча қулайликларга эга бўлимларига жойлаштирилди.
— Сиҳатгоҳ олдиндан бу вазиятга шай ҳолатга келтирилган. Ҳамюртларимиз бу ерда 14 кун мобайнида карантинда бўлади. Улар учун барча шароитлар яратилган ва саломатлиги тажрибали шифокорлар томонидан назоратга олинган, — дейди санаторий фаолияти ва ҳолати бўйича масъул Файзулло Дадабоев.
Маълумот учун, ўтган ҳафтада Эрон ва Латвиядан олиб келинган ўзбекистонликлар Тўрақўрғон туманидаги юқумли касалликлар шифохонаси ҳамда «Косонсой» санаторийсига карантин учун жойлаштирилганди.
Мавзуга доир: Наманганга Латвия ва Эрондан учиб келган йўловчилар 14 кунлик карантин учун санаторий ва шифохонага жойлаштирилди
Изоҳ (0)