Ўзбекистонда коронавирус инфекцияси билан касалланганлар сони яна икки кишига ошиб, 45 нафарга етди, деб хабар бермоқда Соғлиқни сақлаш вазирлиги.
Маълум қилинишича, янги инфекция аниқланган икки фуқаро хорижда бўлиб коронавирусга чалинган беморлар билан яқин мулоқотда бўлган.
Аввалроқ, Истанбулда бўлиб қайтган ўзбекистонликда инфекция аниқлангани ҳақида хабар берилганди.
Шунингдек, Санитария-эпидемиологик осойишталик агентлиги раҳбари Баҳром Алматов коронавирус инфекцияси Тошкентдан ташқарида — Хоразм вилоятида қайд қилингани ҳақида маълум қилганди. Бироқ, Соғлиқни сақлаш вазирлиги Хоразмдаги беморда дастлабки текширув натижалари унинг коронавирусга чалинганини кўрсатган, ҳамда у коронавирус беморлари рўйхатига киритилгани, такрорий текширувда натижасида эса унда коронавирус тасдиқланмаганини маълум қилди.
Аввалроқ, Ўзбекистонда коронавирус инфекциясини юқтириб олганлар орасида оғир аҳволдаги беморлар йўқлигини маълум қилинганди.
Изоҳ (0)