Ҳабиб Нурмагомедов коронавирус сабаб АҚШдаги машғулотларни ташлаб Россияга кетди

UFC чемпиони Ҳабиб Нурмагомедовнинг жамоаси коронавирус сабаб АҚШдан Россияга қайтди. Буни россиялик яккакурашчининг менежери Ризвон Магомедов тасдиқлади.

Нурмагомедов машғулот олиб борадиган Сан-Хоседаги зал коронавирус туфайли маҳаллий ҳукумат томонидан ёпиб қўйилган.

Эслатиб ўтамиз, Нурмагомедов 18 апрель куни Тони Фергюсонга қарши жанг қилади. Дастлаб жанг Нью-Йоркда бўлиб ўтиши кўзда тутилганди, бироқ коронавирус сабаб штат йирик мусобақалар ўтказишни тақиқлаб қўйди. Айни дамда UFC жанг учун янги жой қидирмоқда.

Аввалроқ россиялик жангчининг отаси Абдулманап Нурмагомедов жанг Дубайда ўтиши мумкинлигини айтганди.