«Барселона» клуби «Интер» ҳужумчиси Лаутаро Мартинесни сотиб олиш фикридан қайтгани йўқ.
Италиялик журналист Николо Скиранинг хабар қилишича, каталонияликлар 22 ёшли футболчи учун 70 миллион евро билан биргаликда ярим ҳимоячи Артуро Видаль ва ҳимоячи Нелсон Семедуни таклиф қилган. Бироқ миланликлар бу таклифга рад жавобини берган.
Аргентиналик футболчининг шартномасида 111 миллион евро товон пули ҳақидаги банд бор ва у 2020 йилнинг ёзидан бошлаб амалда бўлади. «Интер» ҳужумчини ушбу миқдордан камига қўйиб юбормоқчи эмас.
«Барселона» Лаутаронинг ўзига йилига 10 миллио евро маош беришга тайёр.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)