Андижонда молхона ёнди. Ёнғин жойидан 5 ёшли боланинг куйган жасади чиқди

Андижон вилоятининг Жалақудуқ туманида молхона ёнди. Ёнғиндан беш ёшли боланинг куйган жасади чиқди. Бу ҳақда «Дарё» мухбири Умиджон Мамарасулов хабар бермоқда.

Андижон вилояти Фавқулодда вазиятлар бошқармасидан маълум қилишларича, ёнғин 18 март куни 12:15 да юз берган. Олов воқеа жойига етиб борган иккита қутқарув экипажи томонидан бартараф этилган.

Ёнғин пайтида фуқарога тегишли молхонанинг том қисми ва 100 press буғдой сомони ёниб кетган. Ёнғиндан беш ёшли боланинг куйган жасади топилган.

Ҳолат юзасидан олиб борилган дастлабки терговга кўра, ёнғин хонадон эгасининг беш ёшли набираси қаровсиз қолдирилганлиги ва гугурт ўйнаши оқибатида келиб чиққан.

Ҳозирда туман прокуратураси томонидан тергов-суриштирув ишлари олиб борилмоқда.