«Тахтлар ўйини» сериалининг яна бир юлдузи — Эллари Санд ролини ижро этган британиялик актриса Индира Вармада ҳам коронавирус аниқланди. Бу ҳақда Варма ўзининг Instagram’даги саҳифаси орқали маълум қилди.
«Ҳозирда коронавирус сабаб тўшакка михланганман ва бу ёқимли эмас. Ўзингизни асранг, соғ бўлинг ва яқинларингизга нисбатан меҳрибонлик қилинг», — деб ёзади 46 ёшли актриса.
Шунингдек, у COVID-19 пандемияси сабаб спектакллар бекор бўлганидан афсусда эканлигини билдирган. Варманинг айтишича, «Чайка» спектаклининг тайёргарлик жараёнини номаълум муддатга қолдиришга тўғри келган.
Индира Варма «Рим», «Кости», «Патрик Мелроуз» каби сериалларда суратга тушган.
Мавзуга доир:
Изоҳ (0)