Абдулла Қурбонов: Онам 11 марта ўлиб тирилган

Абдулла Қурбонов «Севимли» телеканалининг «Хайрли оқшом» кўрсатувида иштирок этди. Хонанда кўрсатувда болалиги ва оиласи ҳақида сўзлаб берди.

«1991 йилда илк марта ёш эстрада хонандалари танловида иштирок этганман. Ўшанда Ботир Зокировнинг араб тилидаги ‘Танго’сини ижро этганман. Онам болам саҳнага чиқаркан, қўшиқ куйларкан, деб хурсанд бўлганлар, арабча кийим тикиб берганлар. Ҳалигача ‘болам, ўша кийимингни асраб қўйибман’ дейдилар.

Катта оилада туғилиб, вояга етганман, 11 та фарзандмиз. Мен 7-фарзандман. Онамга ‘11 марта ўлиб тирилгансиз, онажон’, дейман. Илоҳим бизнинг бахтимизга соғ бўлишсин оналаримиз», — дейди Абдулла Қурбонов.