Хитойда ўтган сутка ичида коронавирус инфекциясини юқтириш билан боғлиқ 13 та янги ҳолат қайд этилди. Бу ҳақда мамлакат соғлиқни сақлаш миллий комиссияси маълумотига асосланиб, «РБК» хабар берди.
Шу тарзда мамлакатда эпидемия бошланганидан бери касалланганларнинг умумий сони 80,8 минг кишига етди.
Улардан 69,6 минг нафари соғайган. Ўтган сутка давомида коронавирусдан тузалиш билан боғлиқ 922 та янги ҳолат қайд этилган. Инфекция тарқалганидан буён 3237 киши ундан вафот этди.
Сўнгги маълумотларга кўра, бутун дунёда коронавирус билан касалланганлар сони 187 мингдан ошиб кетди.
Касалланганлар сони бўйича Хитойдан кейин Италия турибди. 17 март ҳолатига кўра, мамлакатда коронавирусни юқтирганлар сони 26 минг кишидан ошиб кетган. Бир сутка давомида ушбу кўрсаткич 2,9 мингтага кўпайган.
Аввалроқ дунё бўйлаб коронавирусдан вафот этганлар сони қарийб 8 мингга етгани хабар қилинган эди.
Мавзуга доир:
Бунгача 11 март куни Франциядан (вирус 15 март куни аниқланган), 14 март куни Буюк Британиядан, 15 март куни Туркиядан қайтган уч фуқарода коронавирус инфекцияси аниқлангани ҳақида хабар берилган эди.
Бундан ташқари, Франциядан қайтган фуқаронинг ўғли, қизи, турмуш ўртоғи, невараси ва бир қариндошида, Туркиядан қайтган фуқаронинг рафиқаси ва улар билан бир рейсда бўлган бир фуқарода ҳам касаллик аниқланган.
Изоҳ (0)