Ҳужумчи Гарет Бэйл 2020 йилнинг ёзида «Реал» сафини тарк этади.
Daily Mail’нинг хабар қилишича, мадридликлар жамоаси футболчини текинга қўйиб юборишга тайёр. Унинг клуб билан шартномаси 2022 йилга қадар мўлжалланган.
«Реал» устози Зинедин Зидан уэлслик футболчини режаларига киритмаяпти ва клубга ундан қутулишни маслаҳат берган. «Реал» раҳбарияти ҳам кам ўйин амалиётига эга футболчи учун йилига 17 миллион евро тўлашни истамаяпти ва трансфер борасида таклифлар тушмаса ҳам ўртадаги шартномани бекор қилишга тайёр.
Бундан ташқари, Буюк Британия Европа иттифоқидан чиққач Бэйл легионер футболчига айланиб қолади. Ла Лига эса Евроиттифоқдан бўлмаган фақат уч нафар футболчини рўйхатдан ўтказишга рухсат беради.
Испания чемпионатининг жорий мавсумида Гарет 14 ўйин ўтказиб, иккита голга муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)