Соғлиқни сақлаш вазирлиги қошидаги Санитария-эпидемиологик осойишталик агентлиги директори Баҳром Алматов коронавирусга текширувдан ўтиш тартиби ҳақида маълумот берди.
Коронавирус инфекциясига текширувдан ўтиш учун аввало инфексионист кўригидан ўтиш керак. Терапевт-инфексионист кўригидан ўтган кишида касаллик аломатлари бўлса ва эпидемиологик кўрсатма берилса, уни коронавирусда гумон қилиб текшириш мумкин.
«Агар кўрик пайтида коронавирус белгилари бўлмаса ҳамда ўша одам бошқа касаллар билан мулоқотда бўлмаган бўлса, текширув мақсадга мувофиқ эмас. Текширувдан ўтказиш мумкин, қачонки, кўрсатма бўлган тақдирда», — дейди Алматов.
Унинг айтишича, хусусий даволаш муассасаларида ҳозирча бу каби текширувлар йўлга қўйилмаган.
«Хусусий даволаш муассасаларида коронавирусга текшириш мақсадга мувофиқ ҳам эмас. Чунки бу – юқумли касаллик. Шунинг учун, фуқароларимиз ўзининг соғлиғини назорат қилса, бу ўзи учун фойда», – дейди Ўзбекистоннинг бош давлат санитария врачи.
Мавзуга доир:
Изоҳ (0)