«Икки миллион сўмга бир ой ишлайдиган халқ артистлари бор». Манзура актриса Дурдона Қурбонованинг 200 доллар учун клипда тушишни рад этгани тўғрисида
Хонанда Манзура журналист Феруз Муҳаммадга берган интервьюсида актриса Дурдона Қурбонова 200 доллар учун клипга тушишни рад этгани тўғрисидаги гап-сўзларга ўз муносабатини билдирди.
Бизда клип олинади. Масалан, мен Дилмурод Аъзамов билан ишлаяпман. Аҳамият берган бўлсангиз, у бирданига тўртта клип олса керак. Бир вақтнинг ўзида кўпчилликка клип олади. Уни ёрдамчилари бор, албатта. Ёрдамчилари эса актрисаларга мурожаат қилиб, нарх-навони суриштиришади… Масалан, мен Дурдона Қурбоновани ҳаётда кўрмаганман ҳам. Мен уни танимайман ҳам. Клипмейкер администраторига вазифа қўяди. Дилмурод бир вақтда кўп клип олгани сабаб ҳаммасини ўзи қила олмайди. Бу ишни администратор қилади. У айнан кимнинг клипига сўрагани ҳам савол остида. Дурдона Қурбоновани «Миллион»да чиқан қиз дейишди. Мен уни «Миллион»да чиққанини кўрмаганман, яъни ўша концертини…Бизга актрисалар кўрсатилади, менга «мана шунақа актриса» бор, «янги юз» дейишади. Бундоқ қараб, у қайси клипларда ўйнаганини эслайман, бу қиз ролни эплайди дейман. Дурдона Қурбонова мени охирги клипларимдаги вазифани эплай олмасди. Мен у қизнинг маҳоратиниям, у яхши ёки ёмон актриса эканлигини ҳам билмайман.
Дурдона жудаям ёш, охирги клипларимда қизлар калтак еяпти, ҳаётдан калтак еяпти, машиналарда авария бўляпти, юзида хорлик, қийинчилик бор. Дурдона ёш қизча бўлса, уни қандай қилиб клипимга олишим мумкин?
Кейин 200 доллар жуда кам пул дегани ҳақида эшитиб қолдим. Бу яхши гап эмасда. 200 доллар ҳозир деярли 2 миллион сўм пул дегани. Давлат ойлиги шунчага тенг ҳозир. Масалан, бизда халқ актрисалари бор, театрда бир ой шу ойликка ишлайди. Улар сизнингча Дурдона Қурбоновадан камроқ ҳаракат қиладими?!
Манзура, хонанда
Эслатиб ўтамиз, Дурдона Қурбонова «Миллион» кулги жамоасининг 2018 йилги концерт дастурида бир мавсум чиқиш қилган. Жамоа сардори Даврон Кабулов интервьюларининг бирида Кумуш ва Дурдона Қурбонова синов муддатига олингани ва улар билан ҳамкорлик бошқа давом эттирилмаслигини маълум қилганди.
