Британиялик актёр Идрис Элба COVID-19 коронавирусини юқтириб олди, деб хабар берди «РБК».
«Бугун эрталаб COVID-19 коронавирусига тест топширдим, натижа ижобий чиқди. Ўзимни яхши ҳис қилмоқдаман, симптомлар ҳозирча йўқ, шундай бўлса ҳам изоляциядаман», деб ёзади актёр Twitter’даги саҳифасида.
Актёр ўзида коронавирус аниқланганидан ваҳимага тушмаётганини айтиб, мухлисларини касаллик қандай кечаётганидан бохабар қилиб туришини қўшимча қилди.
Идрис Элба режиссёр Кеннет Брананинг «Тор» фильмидаги ижросидан сўнг танилди.
Шунингдек «Рок-н-ролчи», «Катта ўйин», «Тинч океани чегараси» каби фильмлардаги роллари ҳам унга шуҳрат келтирган.
Аввалроқ актёр Том Хенкс ва унинг рафиқаси ҳамда актриса Олга Куриленкода ҳам коронавирус аниқлангани ҳақида хабар берилган эди.
Изоҳ (0)