UzAuto Motors компанияси 9 мартдан автомобиллар учун янги нархларни эълон қилди. Унга кўра, Spark’нинг нархи модификациясига қараб 10—21 фоизга, Cobalt’ники 10—14 фоизга, Nexia’ники 15—19 фоизга, Lacetti’ники эса 3 фоизга ошган. Malibu 2, Tracker, Trailblazer, Equinox, Traverse ва Tahoe автомобиллари нархлари эса ўзгаришсиз қолдирилган.
Chevrolet Damas VAN нархи 21 фоизга ошган (эски нархи — 62 750 539 сўм эди). Шунингдек, Damas DLX нархи ҳам 21 фоизга ошган (эски нархи — 64 696 586 сўм). Damas LABO’нинг нархи 11 фоизга ошди (эски нархи — 71 349 654 cўм).
Chevrolet Spark LS M/T нархи 10 фоизга (эски нархи — 66 602 502 ўсм), Spark LT A/T нархи эса 21 фоизга кўтарилди (эски нархи — 76 745 952 сўм). Chevrolet Cobalt ЛТ с/к нархи 10 фоизга (эски нархи — 87 060 777 сўм), Cobalt LTZ A/T 14 фоизга кўтарилди (эски нархи — 100 777 630 сўм).
Chevrolet Nexia LT M/T 15 фоизга (эски нархи — 75 930 613 сўм), Nexia LTZ A/T 19 фоизга (эски нархи — 89 062 015 сўм), Nexia LT M/T Optimum Plus 15 фоизга (эски нархи — 78 189 036 сўм), Nexia LTZ A/T Elegant Plus 19 фоизга қимматлади (эски нархи — 91 320 438 сўм).
Chevrolet Lacetti нархи 3 фоизга (эски нархи — 111 116 080 сўм), Chevrolet Lacetti (ГБО) SX 3 фоизга (эски нархи — 119 696 350 сўм), Chevrolet Lacetti CDX A/T Elegant Plus 3 фоизга ошди (эски нархи — 134 104 347 сўм).
Маълумот учун, компания ишлаб чиқараётган алоҳида моделларнинг нархлари сўнгги бор 2018 йили ўртача 7,7 фоизга оширилган эди. Аввалроқ, UzAvto Motors автомобиллари нархи қўшимча опсиялар ҳисобига «бироз ошганлиги»ни маълум қилинган эди.
Эслатиб ўтамиз, UzAuto Motors компанияси (аввалги General Motors Узбекистан ) компанияси 2018 йил охирида бир қатор имтиёзлардан маҳрум қилинган эди. Компания аввалги йилларда барча турдаги солиқ ва мажбурий тўловлардан озод қилинган бўлса, 2019 йилдан бошлаб фақат ҚҚС тўловидан озод қилинди, холос. 2019 йилнинг 1 октябрдан бошлаб компания бу солиқни ҳам тўлай бошлади.
Изоҳ (0)