Россия пойтахтида ўтган яқин вақт ичида коронавирусдан айниқса, кўп жабр кўрган мамлакатларда бўлиб қайтган ўқувчиларнинг дарс машғулотларига қатнаши тақиқланди. Шаҳар Фан ва таълим департаменти буйруғига мувофиқ, ушбу тақиқ 10 мартга қадар амалда бўлади.
Коронавирус тарқалган мамлакатларда бўлиб қайтган ўқувчилар Россияга қайтганидан кейинги 14 кун давомида мактабга бормаслиги керак. Худди шундай талаб мактаб ўқитувчиларига ҳам тааллуқли.
Буйруқда мактаблар маъмуриятига дарс машғулотларини ўтказиб юборишга мажбур бўлаётган ўқувчиларни масофавий таълим билан таъминлаш ҳақида кўрсатма берилган.
Москва расмийларининг фикрича, Хитой, Жанубий Коеря, Эрон, АҚШ, Буюк Британия, Испания, Италия, Норвегия, Германия, Швейцария ва Франция коронавирус инфекцияси эпидемиясидан энг кўп жабр кўрган мамлакатлардир.
Москва мери Сергей Собянин 5 мартдаги фармони билан юқорида кўрсатилган мамлакатлардан учиб келган шаҳар фуқароларидан уй шароитида ўз-ўзини икки ҳафта муддатга изоляция қилишни талаб қилган эди — мазкур талабга кўра, бу фуқаролар ишга бормаслиги, одам гавжум бўладиган жойларга боришни камайтириши керак.Мавзуга доир:
Изоҳ (0)