Футбол бўйича Англия Премьер Лигасининг 27-турида «Арсенал» 23 февраль, якшанба куни «Эвертон»га қарши баҳс олиб борди.
Голларга бой бўлган баҳсда Микель Артета шогирдлари иродали ғалабани қўлга киритди. Учрашувнинг илк дақиқасидаёқ Доминик Кэлверт-Льюин мерсисайдликларни олдинга олиб чиқди. 27-дақиқада Эдди Нкетиа мувозанатни тиклаган бўлса, орадан кўп ўтмай Пьер-Эмерик Обамеянг лондонликларнинг иккинчи голини урди.
Биринчи бўлимга қўшиб берилган вақтнинг тўртинчисида Ришарлисон ҳисобни 2:2 кўринишига олиб келди. Иккинчи бўлимнинг дастлабки сонияларида Обамеянг дубль қайд этиб, «канонирлар»га уч очко тақдим этган голга муаллиф бўлди.
Шу тариқа ушбу ғалабадан кейин «Арсенал» очколарини 37 тага етказиб олган ҳолда 9-ўринга кўтарилди. Карло Анчелотти шогирдлари эса (36) 10-поғонада қолди.
АПЛ
27-тур баҳси
23 февраль, якшанба
«Арсенал» — «Эвертон» 3:2
Голлар: 0:1 – 1 Кэлверт-Льюин, 1:1 – 27 Нкетиа, 2:1 – 33 Обамеянг, 2:2 – 45 Ришарлисон, 3:2 – 46 Обамеянг.«Арсенал»: Лено, Колашинац (Сака, 18), Давид Луиз, Мустафи, Белерин, Себальос (Торрейра, 76), Ўзил (Гендузи, 82), Жака, Пепе, Нкетиа, Обамеянг.
«Эвертон»: Пикфорд, Сидибе, Мина, Ҳолгейт, Бейнс, Сигурдссон, Шнайдерлин (Андре Гомеш, 59), Ивоби (Бернард, 60), Делф (Кин, 82), Ришарлисон, Кэлверт-Льюин.
Огоҳлантиришлар: Шнайдерлин (31), Ришарлисон (45), Сигурдссон (73), Андре Гомеш (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)