Сўнгги янгиликлар
    • USD 12216.01
    • RUB 123.1
    • EUR 12807.26
    Қўзиқорин

    Австралияда ўзини ўлдирмоқчи бўлган дварфизмга чалинган болага Росомаха суперқаҳрамони ва спортчилар далда бўлди (видео)

    44560

    Австралиялик Яррака Бэйлс Facebook’да ўзининг тўққиз яшар ўғли Квейденнинг мактабдаги тазйиқлар учун йиғлаётгани ва ўз жонига қасд қилиш учун «пичоқ беринг», деб сўрагани акс этган видеони жойлаштирди, деб ёзмоқда Tjournal.

    Фото: TJournal

    Фото: TJournal

    Онасининг таъкидлашича, ўғли аввал ҳам ўзини ўлдиришга уринган. «Мана буллинг (бу ерда мактабдаги муштумзўрлар босими назарда тутилмоқда) қандай оқибатларга олиб келади. У билан ҳар куни курашавериб чарчадик. Илтимос, болаларингизни тарбия қилсангиз бўлмайдими?», — деган у.

    Дварфизмга чалинган одамлар пас бўй ва номутаносиб танага эга. Уларнинг бўйи 81 сантиметрдан 142 сантиметргача бўлади. Дварфизм бир касаллик оқибати эмас — у юзлаб турли ташхислар билан боғлиқ бўлиши мумкин.

    Видео ижтимоий тармоқда 16 миллион марта кўрилган. Воқеадан ҳатто машҳурлар ҳам хабар топган. Дварфизмга чалинган қизиқчи Бред Уильямс Диснейлендга бора олиши учун Квейденга атаб GoFundMe’да маблағ йиғишни ташкиллаштирган. «Келинглар, Квейден ва бошқаларга бу дунёда яхши нарсаларга арзишини бир кўрсатайлик», деб ёзилган хайрия саҳифасида.

    Дастлаб 10 минг доллар тўплаш мақсад қилинган бўлса-да, Уильям атиги икки кун ичида хайриядан 200 минг доллар йиққан. Бу пулларни Калифорнияга учиб келиш, турар жой тўлови ва Диснейлендга чипта олиш учун Бэйлс оиласига сарфлашни режалаштирмоқда. Авиачипталар бепул тақдим этиб бўлинди. Ортиб қолган пулларни эса қизиқчи буллинг профилактикаси билан шуғулланувчи ташкилотга хайрия қилмоқчи.

    Квейденни, суперқаҳрамонлар ролини ижро этган австралиялик актёрлар Хью Жекман (Росомаха) ва Крис Хемсворн (Тор) қўллаб қувватлаган.

    Уни, шунингдек Австралия миллий регби лигаси ҳам қўллаб-қувватлаб, болани Янги Зеландиянинг «барча юлдузлари»га қарши навбатдаги ўйинда жамоани бошқаришга чақирган.

    Австралиялик боксчи ва IBF’нинг собиқ жаҳон чемпиони Билли Диб эса уни бокс бўйича машғулотларга таклиф қилди.

    Американинг Xyuston Rokets баскетбол жамоаси ҳам болани қўллаб-қувватлади уни ўз ўйинига таклиф қилди.

    https://twitter.com/HoustonRockets/status/1230905054267396097

    Боланинг онаси Яррака Бэйлс Seven News нашрига берган интервьюда бундай қўллаб-қувватлашларни кутмаганлигини айтиб, барчага миннатдорчилик билдирган.