Футбол бўйича Англия чемпионати 26-турининг сўнгги баҳсида «Челси» ва «Манчестер Юнайтед» жамоалари ўзаро баҳс олиб борди.
Биринчи бўлимнинг сўнгги дақиқасида Антони Марсьяль манкунианларни олдинга олиб чиқди. 66-дақиқада Ҳарри Магуайр бурчакдан узатиб берилган тўпга боши билан аниқ зарба берган ҳолда дарвозани ишғол қилди.
Шу тариқа Оле-Гуннар Сульшер шогирдлари иккинчи даврада ҳам «кўклар»дан устун келди. Премьер Лига биринчи турида Манчестер шаҳри жамоаси «Челси»ни йирик ҳисобда (4:0) мағлуб этганди.
Мазкур ғалабадан кейин «Манчестер Юнайтед» 38 очко билан 7-ўринга кўтарилди. «Челси» (41) эса тўртинчи поғонада қолди.
АПЛ
26-тур баҳси
17 февраль, душанба
«Челси» — «Манчестер Юнайтед» 2:0
Голлар: 0:1 — 45 Марсьяль, 0:2 — 66 Магуайр.«Челси»: Кабальеро, Жеймс, Кристенсен (Зума, 46), Рюдигер, Аспиликуэта, Канте (Маунт, 12), Ковачич, Виллиан, Жоржиньо, Педро, Батшуайи (Жиру, 68).
«Манчестер Юнайтед»: Де Хеа, Уильямс, Магуайр, Шоу, Уан-Биссака, Жеймс (Перейра, 80), Фред, Бруну Фернандеш (Диогу Далот, 90), Матич, Марсьяль (Игало, 90), Байи.
Огоҳлантиришлар: Виллиан (35), Рюдигер (48), Фред (59), Зума (59), Педро (64), Уильямс (76), Уан-Биссака (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)