ЕЧЛда энди учрашувнинг энг яхши ўйинчиси аниқланади

УЕФА ташкилоти Чемпионлар Лигаси мусобақасида янги индивидуал соврин жорий қилди.

Энди мусобақанинг плей-офф босқичида ҳар бир учрашувнинг энг яхши ўйинчиси аниқланади. Лауреатларни УЕФАнинг махсус техник экспертлари аниқлаб беради.

Чемпионлар Лигаси 1/8 финал босқичида Роберто Мартинес, Гарет Саутгейт, Робби Кин, Айтор Каранка ва бошқа бир қатор футболга оид шахслар эксперт сифатида иш олиб боради.

Эслатиб ўтамиз, Чемпионлар Лигасининг 1/8 финал босқич ўйинлари 18 февралдан старт олади.