Мусулмон аёллар намойиши, бўшаб қолган курортлар, Иванка Трамп ва Саида Мирзиёева учрашуви. 16 февралнинг энг қизиқарли суратлари

16 февраль, якшанба куни дунёнинг турли бурчакларида олинган энг қизиқарли суратлар жамланмасини тақдим этамиз.

Йокогама, Япония

Diamond Princess саёҳат кемасида янги турдаги коронавирусни юқтириб олганлар 70 кишига кўпайиб, касалланганларнинг умумий сони 355 кишига етди.

Одамлар АҚШ билан чегарадаги тўсиққа юрак шаклини чизмоқда.

Лондон, Буюк Британия

Девид Бекхэм фарзандлари Ромео, Круз ва Харпер билан Лондондаги мода ҳафталигида Виктория Бекхэм коллекциясидаги либосларни томоша қилмоқда.

Ницца, Франция

Ниццадаги карнавалда модельерлар Сони Рикель, Жан-Поль Готье ва Карл Лагерфельдларнинг пуфакдан ясалган улкан моделлари олиб ўтилди.

Исломобод, Покистон

Қочоқлар лагеридаги болалар.

Дубай, БАА

Бутунжаҳон аёллар форуми очилишида Ўзбекистон Президентининг қизи Саида Мирзиёева АҚШ президентининг қизи Иванка Трамп билан кўришди.

Таиланд

Коронавирус сабаб хитойлик туристларга қўйилган айрим тақиқлар туфайли Таиланд, Лаос, Вьетнам ва Камбоджада сайёҳлар сони кескин камайиб кетди.

Мусобақа вақтида буқа 10 ёшли чавандозни улоқтириб ташламоқда.

Шанхай, Хитой

Коронавирусдан ҳимояланиш учун ниқоб тақиб олган итлар.

Ғозлар «Деннис» тўфони туфайли Северн дарёсининг тошиб кетган сувлари устида сузмоқда.

ссам, Ҳиндистон

Мусулмон аёллари мусулмонларни камситувчи янги қонунга қарши намойиш ўтказмоқда.

Пьюра, Перу

Эквадорнинг «Барселона СК» футбол клуби ишқибозлари бўлган автобус Перуда 15 метр баландликдан қулаб тушган. Ҳодиса оқибатида саккиз нафар фанат ҳалок бўлди.

Розтоки, Чехия

Баҳор келиши арафасида нишонланадиган Мясопуст карнавали.

Лондон, Буюк Британия

Лондондаги мода ҳафталигида Ричард Куинн ижодига мансуб либосни намойиш этаётган модель.

Жиндайрис, Сурия

Уруш давом этаётган ҳудудлардан кўчирилган болалар.

Калининград, Россия

Марказий бозорда отиб ўлдирилган эр-хотин ишлаган жойга одамлар гуллар келтирмоқда. Эр-хотинни отиб ташлаган эркак ҳам улар билан бирга сабзавотлар сотган. Жой талашиш туфайли улар ўртасида низо келиб чиққанлиги тахмин қилинмоқда. Қотил эр-хотин ва уларнинг 13 ёшли ўғлини ов милтиғидан отган, бола омон қолган. Жиноятчи кейин ўз жонига қасд қилган.