Бугун,

  • USD 11095.31
  • RUB 173.84
  • EUR 10772.44

ТИВ томонидан журналист ва блогерлар учун 14 февраль куни ўтказилган матбуот анжуманида ташқи ишлар вазирининг биринчи ўринбосари Илҳом Неъматов ОАВ вакилларининг соҳага оид барча саволларига жавоб қайтарди.

Илҳом Неъматов.

Илҳом Неъматов.
Фото: Анвар Илёсов / «Дунё» ахборот агентлиги

«Дарё» мухбири Миролим Исажоновнинг хабар беришича, очиқ мулоқотда ТИВ расмийси Ўзбекистоннинг бугунги сиёсатини Германиянинг урушдан кейинги сиёсий ислоҳотларига қиёслади.

«Биронта бир давлат чет эл сармояларисиз ривожланмаган, ривожланмайди ҳам. Германияни мисол келтираман. Иккинчи жаҳон урушидан кейин мутлақо вайронага айланди. Мен ўз дипломатик карьерамни ана шу мамлакатдан бошлаганман. Яъни 1993 йилда ишлаб юрганимда кўрганман, иккинчи жаҳон урушидан сўнг Германия барча эшикларини очиб қўйди ва ҳамма бориб у ерда ишлади. Натижада ҳозиргидек ривожланишга келган. Ўзбекистон ҳам сўнгги йилларда барча мамлакатлар, халқаро ташкилотлар билан худди ана шу очиқлик сиёсатини олиб бормоқда», — деди Неъматов.

Тадбир мобайнида вазир ўринбосари Шавкат Мирзиёев ислоҳотлари натижасида Ўзбекистон сиёсий ва иқтисодий изоляциядан тўлиқ халос бўлганини таъкидлади.

«Биз очиқ сиёсат туфайли сўнгги йилларда сиёсий ва иқтисодий изоляциядан тўлиқ озод бўлдик. Президентимиз Тошкент вилояти ҳокимлигидаги мажлисларнинг бирида ‘Биз ҳали Марказий Осиё давлатлари билан 25 йил давомида ўртамизда пайдо бўлган катта музни эритиш учун жуда кўп иш қилишимиз керак’, деб айтган эдилар. Ҳақиқатан ҳам бу амалда бўлди — муз эритилди. Бугунги кунда ташқи сиёсатимизда, Марказий Осиё давлатлари билан муносабатларда катта бурилиш бўлди. Қўшни мамлакатлар билан алоқаларимиз юқори поғонага чиқди. Икки ва кўп томонлама манфаатли алоқаларимиз турли соҳаларда бир маромда ривожланиб боряпти», — деди Илҳом Неъматов.

Аввалроқ ташқи ишлар вазири ўринбосари Риштон—Сўх йўлининг очилгани ва икки кунда ёпиб қўйилганига изоҳ берган эди.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда