Андижонда Nexia ва «Зил» тўқнашуви оқибатида икки йўловчи ҳалок бўлди

Асака туманида содир бўлган йўл-транспорт ҳодисаси оқибатида икки киши ҳалок бўлди. Бу ҳақда ИИВ ЙҲХББ ахборот хизмати хабар берди.

13 февраль куни соат 21:00 ларда Андижон вилояти Андижон тумани ҳудудида Асака туманида яшовчи Х.М. исмли фуқаро Nexia-3 русумли транспорт воситаси тезлигини меъёридан ошириб бошқариши оқибатида, шу йўналишда йўлнинг ўнг четида тўхтаб турган «Зил-130» русумли юк автомашинасига урилиб, тўқнашув содир этган.

Натижада, Nexia автомашинаси йўловчилари И.Ж. ва Н.П. тан жароҳатлари олиб воқеа жойида вафот этган. Ушбу транспорт воситаси ҳайдовчиси Х.М. ва йўловчи М.Б. тан жароҳати олиб шифохонага ётқизилган.