Сирдарё вилоятининг Янгиер шаҳрида учувчисиз учадиган аппарат (дрон)ни 750 долларга сотмоқчи бўлган шахс қўлга олинди. Бу ҳақда «Дарё»га Бош прокуратура матбуот хизмати хабар берди.
Департаментнинг Янгиер шаҳар бўлими томонидан бошқа ҳуқуқни муҳофаза қилувчи органлар билан ҳамкорликда ўтказилган тезкор тадбирда фуқаро Х.М. Mavic pro номли учувчисиз аппаратни харидорга 750 долларга сотаётган вақтида ушланган ва аппарат ашёвий далил сифатида олинган.
Воқеа юзасидан Х.М.га нисбатан Жиноят кодексининг 2444-моддаси 1-қисми (Учувчисиз учадиган аппаратларни қонунга хилоф равишда олиб кириш, ўтказиш, олиш, сақлаш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда. Ушбу моддада уч йилгача озодликдан маҳрум қилиш жазоси белгиланган.
Ўзбекистон қонунчилигига кўра, учувчисиз учадиган аппаратларни қонунга хилоф равишда олиб кириш, ўтказиш, олиш, сақлаш ёки улардан фойдаланиш тақиқланган.
Изоҳ (0)