10 февраль, душанба куни, соат 21:00 атрофида Чортоқ—Калишоҳ—Ҳазрацҳоҳ автомобиль йўлининг Чортоқ тумани, Тинчлик кўчасидан ўтган 20-километрида номаълум автомашина ҳайдовчиси йўлнинг ўнг четида ҳаракатланиб кетаётган пиёда, 62 ёшли О.Қ.ни уриб юбориб, воқеа жойидан яширинган. Бу ҳақда ИИВ ҳузуридаги Тергов департаменти хабар берди.
О.Қ. олган тан жароҳатлари туфайли ҳодиса жойида ҳалок бўлган.
Олиб борилган тезкор-қидирув тадбирлари натижасида ушбу жиноятни Чортоқ туманида яшовчи 27 ёшли М.А. ўзининг бошқарувидаги Nexia русумли автомашинасида содир этганлиги аниқланган.
Мазкур ҳолат юзасидан Чортоқ туман ИИБ ҳузуридаги Тергов бўлинмаси томонидан М.А.га нисбатан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) ва 117-моддаси 2-қисми (Хавф остида қолдириш) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Изоҳ (0)