Ўзбекистон бош прокурори биринчи ўринбосари ва республика ҳарбий прокурори тайинланди

Ўзбекистон Президентининг 10 февралдаги фармонига асосан Қашқадарё вилояти халқ қабулхонаси раҳбари Абдуҳалим Холмахматов Бош прокурорнинг биринчи ўринбосари этиб тайинланди. Бу ҳақда Бош прокуратура матбуот хизмати хабар берди.

Шуҳрат Узоқов кўп йиллар давомида ҳарбий прокуратурада турли лавозимларда фаолият юритган. Республика ҳарбий прокурори ўринбосари, ҳарбий прокурор лавозимида ишлаган, адлия генерал майори унвонига эга.

У 2016 йилда айни лавозимни тарк этган. Кейинчалик Бош прокуратура ҳузуридаги департамент бошлиғи, Президент девони масъул ходими, Халқ қабулхонасининг Самарқанд вилояти бўлими раҳбари вазифаларида фаолият олиб борган.

Абдуҳалим Холмахматов эса фаолиятини туман прокуратурасида бошлаган, 2001 йилда Бош прокурор ўринбосари лавозимида ишлай бошлаган.

Бир йил ўтиб 3-даражали давлат адлия маслаҳатчиси (генерал майорга тенг ҳарбий унвон) рутбасига муносиб кўрилган.

Кейинчалик Тошкент вилояти прокурори, сўнг Фарғона вилояти прокурори, Қарши туман прокурори сифатида ишлаган.

А.Холмахматов хўжалик судида консултант, катта консултант, бўлим бошлиғи лавозимларида, Бош прокурорнинг биринчи ўринбосари вазифасига тайинлангунга қадар эса Ўзбекистон Республикаси Президентининг Қашқадарё вилояти Халқ қабулхонаси мудири лавозимида ишлаган, деб ёзмоқда «Xabar.uz».