Туркманистоннинг Лебоб вилоятида Хитойдан эвакуация қилинган Туркманистон фуқаролари ҳамда China National Petroleum Corporation (CNPC) компаниясининг хитойлик ишчилари учун қурилган лагер ҳудудида коронавирус касаллигидан бир киши вафот этди.
Қайд этилишича, марҳум ҳақидаги маълумотлар қатъий сир сақланмоқда. Turkmen.news нашри марҳумнинг Хитойдаги университетлардан бирида ўқиган талаба йигит эканлигини билишга муваффақ бўлган. Унинг танаси крематорийда ёқиб юборилган.
Яна бир киши Мари вилоятида яшовчи ўрта ёшли фуқаро «илгари номаълум бўлган вирусли инфекция аломатларига эга». У оғир аҳволда Лебоб вилоятидаги карантинда бўлиб турибди.
Аввалроқ тожикистонлик талабалар Тошкент орқали ўз юртига қайтаётгани ҳақидаги хабар берилган эди.
Сўнгги маълумотларга кўра, Хитойда коронавирус оқибатида вафот этганлар сони минг кишидан ошиб кетди.
Изоҳ (0)